23:40المحل مسكّر. الواتساب لأ.
السكرتيرة الالكترونية من مصلحتك هي بوت واتساب بالذكاء الاصطناعي بيرد على زباينكم على رقم المحل، 24/7 وخلال ثواني، بالعربي أو العبري أو الإنجليزي. بتجاوب من المعلومات تبعتكم، بتحجز دور وبتغيّر مواعيد باليومية الحقيقية، بتاخد طلبات وبتسجّل كل توجّه، وكل إشي بدو إياكم بيوصلكم كبطاقة "بحاجة إليك". وكله عن طريق الـ API الرسمي تبع واتساب.
يومكم بيخلص الساعة 19:00. أسئلة الزباين لأ.
مرحبا، في دور بكرا؟
الزباين بيكتبوا لما ما بتقدروا تردوا: بالليل، بيوم العطلة، أو وإنتو مع زبون. ولحد الصبح بيكونوا حجزوا بمحل تاني.
لوينتا فاتحين اليوم؟
الساعات، الأسعار، العنوان، و"في مكان بكرا؟". بتكتبوا نفس الأجوبة مرة ورا مرة بدل ما تشتغلوا.
وكمان وحدة قياس M؟
قياسات، كميات، اسم وعنوان، كلهم مفرّقين على محادثة طويلة. ودايماً في إشي بيضيع بالسكرول.
بصالون
من الخدمات والأسعار والساعات والأجوبة اللي عطيتوها إياها. وقبل ما تحكي سعر، بتتأكد من كل تفاصيل الإشي.
باليومية الحقيقية تبعتكم. أي تغيير أو إلغاء بتقراه للزبون، وهو بيأكّد قبل ما يصير.
بمطبعة
كل إشي بالطلب، مع الكمية والخيارات والتفاصيل اللي طلبتوا تجمعها، بينحفظ باللوحة تبعتكم كزبون محتمل أو كطلب. والمجموع بينحسب من لائحة الأسعار تبعتكم.
بتلاقي آخر طلب للزبون وبتحسبه من جديد بأسعار اليوم.
صور، رسائل صوتية، ملفات PDF وفيديوهات. وإذا ما قدرت تفتح ملف، بتحكي إنها استلمته وبتبعت رابط لرفعه. والزبون اللي بدو يشوف منتج، بتبعتله الصور اللي حفظتوها.
محل واحد، يومية وحدة، تلات لغات.
شو بيوصلكم
بتوصلكم بطاقة "بحاجة إليك" مع تنبيه بالتطبيق، بجرس اللوحة وبالإيميل. بتكتبوا الجواب وهي بتكمّل.
إلغاء، تغيير، رجعة مصاري أو خصم خاص بيستنوا موافقتكم، وهي بتضل تساعد الزبون بهالوقت.
بتاخدوا المحادثة من صندوق الرسائل، عالموقع أو بالتطبيق. وهي بتسكت بهاي المحادثة، عشان ما تحكوا فوق بعض.
إذا حدا استنى أكتر من 10 دقايق على جواب، بيوصلكم تنبيه.
إنتو بتقرروا قدّيش بتعمل لحالها
أزرار قائمة, مزيج, ذكاء اصطناعي كامل
شوفوا الموقعphysiogav.mslahtk.aiعلاج طبيعي وتأهيل · كفر ياسيف
مساعد الواتساب بيحجز، بيأجّل وبيلغي مواعيد حسب اليومية الحقيقية للمركز.
قصة فيزيوجاف
لحد نص أيلول 2026 انحجز بالنظام أكثر من 460 موعد، عبر واتساب وعبر تطبيق المركز، وسلاسل المواعيد الثابتة للمرضى اللي بيرجعوا بتنحجز لحالها.
شوفوا الموقعverox.mslahtk.aiستوديو طباعة للمناسبات · كفر ياسيف
مساعد الواتساب بياخد الطلبات والتوجّهات وبيضيفها للوحة طلبات الستوديو.
قصة VEROX
بآخر أربع شهور وصل عبر الموقع ومساعد الواتساب 20 طلب وتوجّه، نصهم عبر واتساب.
هاد اللي بيجي معها:
باقة برو بتعطيكم رسائل واتساب للمحل (صندوق مشترك، قوالب وتذكيرات) بدون السكرتيرة الأوتوماتيكية.
ما بترد على مكالمات وما بتبعت رسائل صوتية. الرسالة الصوتية بتفهمها وبترد عليها بالكتابة.
ما بتقبض مصاري: لا دفع، لا عربون ولا وصولات للزباين.
ما بتبعت حملات ولا رسائل جماعية. بترد عاللي بيكتبلكم.
تطبيق واتساب بزنس العادي لسا ما بيقدر يضل على نفس الرقم. بتردوا من صندوق الرسائل تبع مصلحتك.
واتساب بس: رسائل فيسبوك وإنستغرام مش موصولة.
هي ذكاء اصطناعي، وممكن تغلط. لما ما يكون عندها جواب، بتحوّل المحادثة عليكم بدل ما تخمّن.
إحنا منجهّزه معكم، بدون تنزيل برامج وبدون كود من عندكم. منربط رقم المحل بالـ API الرسمي تبع واتساب، منعبّي الخدمات والأسعار والساعات والأجوبة تبعتكم، وإنتو بتختاروا كيف بتشتغل: أزرار قائمة، مزيج أو ذكاء اصطناعي كامل. التجهيز العادي بيشتغل خلال يوم.
السكرتيرة الالكترونية موجودة بباقة السكرتيرة، والسعر المحدّث مكتوب بصفحة الباقة. الباقات شهرية، وبتقدروا تلغوا وينتا ما بدكم بدون رسوم إلغاء.
الشات بوت العادي بيمشّي الزبون بأزرار ثابتة. السكرتيرة بتفهم الكتابة الحرّة، بتجاوب من معلومات المحل وبتعمل الشغل: بتحجز باليومية، بتاخد طلبات وبتحفظ كل توجّه. واللي بحب الأزرار، بيقدر يشغّلها بوضع القائمة أو المزيج.
آه. بترد باللغة اللي الزبون كتب فيها: عربي، عبري أو إنجليزي. والعربي تبعها محكي، زي ما بنكتب بحيفا والجليل، مش فصحى.
بتحكي للزبون إنه الطاقم رح يرد عليه، بتفتح بطاقة "بحاجة إليك" وبتنبّهكم بالتطبيق، بجرس اللوحة وبالإيميل. بتقدروا تكتبولها الجواب وهي بتكمّل لحالها، أو تاخدوا المحادثة عندكم. والمحادثة اللي بتاخدوها، هي بتسكت فيها.
لسا لأ. السكرتيرة شغّالة على رقمكم عن طريق الـ API الرسمي، وإنه يضل تطبيق واتساب بزنس العادي شغّال على نفس الرقم مش متوفر إسا. إنتو والطاقم بتردوا من صندوق الرسائل تبع مصلحتك، عالموقع وبالتطبيق.
هاد الـ API الرسمي تبع واتساب للأعمال، الطريق اللي Meta بتعطيه لبرامج الأعمال، ومصلحتك مزوّد تقنية معتمد من Meta. السكرتيرة بترد عالزباين اللي بيكتبولكم، وما بتبعت رسائل جماعية ولا حملات.
احكولنا شو بيعمل المحل تبعكم، ومنورجيكم كيف السكرتيرة كانت رح ترد على زباينكم.
مرحبا، شفت صفحة السكرتيرة الالكترونية على واتساب وبدي أعرف كيف بتشتغل عندي بالمحلاحكوا معنا على واتسابموجود بباقة «السكرتيرة»